Arysta 7700-den astam turǵyn úi tolyq jóndeýden ótedi. Túrkistan oblysynyń ákimdigi osyndai málimet taratty, dep habarlaidy "Ult aqparat".
Ákimdiktiń aqparatyna sáikes, Arystaǵy jarylystan 21 úi tolyqtai órtenip ketken. Onda turǵan 28 otbasy músheleri ýaqytsha orynǵa jaiǵastyrylǵan. Kúli qalǵan baspanalardyń ornyna jańadan úiler salynatyn bolady.
Arys qalasynda 7700-den astam úi bar bolsa, olardyń kóbiniń shatyry men esik-terezeleri jarylystan zardap shekken. Qalada qurylys-jóndeý jumystaryna kómek berý úshin elimiz óńirlerinen 170 arnaiy brigada keletini kútilýde. Qala sektorlarǵa bólingen, jumystar erteń bastalady. Qurylysshylar tapsyrylǵan mindetti 1 aidyń ishinde tolyq aiaqtaidy dep josparlanǵan.
Sondai-aq, toǵyz joldyń torabynda ornalasqan qalada búginnen bastap sý júiesi júieli jolǵa qoiyldy. Qazir barlyq úige sý berilýde. Buǵan deiin ortalyq magistralda shyqqan aqaýdan 1500-dei abonent sýsyz qalǵan bolatyn. Jóndeý jumystary barysynda sý jetkizý jelisin úzgen snariad tabyldy. Qazirgi tańda aqaý saldary joiylyp, jóndeý jumystary aiaqtaldy. Turǵyndarǵa sý turaqty berilýde. Aita keteiik, Arysta 10 600 abonent bolsa, búginde sý taratý kólemi 2,5 esege ulǵaiǵan.
