ارىستا 7700-دەن استام تۇرعىن ٷي تولىق جٶندەۋدەن ٶتەدٸ. تٷركٸستان وبلىسىنىڭ ەكٸمدٸگٸ وسىنداي مەلٸمەت تاراتتى, دەپ حابارلايدى "ۇلت اقپارات".
ەكٸمدٸكتٸڭ اقپاراتىنا سەيكەس, ارىستاعى جارىلىستان 21 ٷي تولىقتاي ٶرتەنٸپ كەتكەن. وندا تۇرعان 28 وتباسى مٷشەلەرٸ ۋاقىتشا ورىنعا جايعاستىرىلعان. كٷلٸ قالعان باسپانالاردىڭ ورنىنا جاڭادان ٷيلەر سالىناتىن بولادى.
ارىس قالاسىندا 7700-دەن استام ٷي بار بولسا, ولاردىڭ كٶبٸنٸڭ شاتىرى مەن ەسٸك-تەرەزەلەرٸ جارىلىستان زارداپ شەككەن. قالادا قۇرىلىس-جٶندەۋ جۇمىستارىنا كٶمەك بەرۋ ٷشٸن ەلٸمٸز ٶڭٸرلەرٸنەن 170 ارنايى بريگادا كەلەتٸنٸ كٷتٸلۋدە. قالا سەكتورلارعا بٶلٸنگەن, جۇمىستار ەرتەڭ باستالادى. قۇرىلىسشىلار تاپسىرىلعان مٸندەتتٸ 1 ايدىڭ ٸشٸندە تولىق اياقتايدى دەپ جوسپارلانعان.
سونداي-اق, توعىز جولدىڭ تورابىندا ورنالاسقان قالادا بٷگٸننەن باستاپ سۋ جٷيەسٸ جٷيەلٸ جولعا قويىلدى. قازٸر بارلىق ٷيگە سۋ بەرٸلۋدە. بۇعان دەيٸن ورتالىق ماگيسترالدا شىققان اقاۋدان 1500-دەي ابونەنت سۋسىز قالعان بولاتىن. جٶندەۋ جۇمىستارى بارىسىندا سۋ جەتكٸزۋ جەلٸسٸن ٷزگەن سنارياد تابىلدى. قازٸرگٸ تاڭدا اقاۋ سالدارى جويىلىپ, جٶندەۋ جۇمىستارى اياقتالدى. تۇرعىندارعا سۋ تۇراقتى بەرٸلۋدە. ايتا كەتەيٸك, ارىستا 10 600 ابونەنت بولسا, بٷگٸندە سۋ تاراتۋ كٶلەمٸ 2,5 ەسەگە ۇلعايعان.
