Arys qalasynda 272,3 shaqyrymdy quraityn kóshege analiz jasalyp, nátijesinde 67 kósheniń jolyna zaqym kelgeni anyqtaldy. Bul týraly Túrkistan oblysy ákimdiginiń baspasóz qyzmetinen málim etti.
«17 sektordyń 13-inde tótenshe jaǵdailar saldarynan qala ishindegi 67 kósheniń jamylǵysyna zaqym kelgeni anyqtaldy. Kóshelerdegi aqaýlardy joiý jáne olardy zaman talabyna sáikes keltirý úshin jalpy uzyndyǵy 60 shaqyrymǵa jýyq 67 kóshede kelesidei jumystar atqarylatyn bolady: 46,7 shaqyrym trotýar tóseledi; 68,6 shaqyrym jolǵa 2 234 dana jaryq shamdary ornatylady; 7 shaqyrym velosiped joly salynady; 41 tekshe metr sýaǵar; jalpy aýmaǵy 9 522 sharshy metr kósheniń jiekteri jóndeledi», - delingen ákimdik málimetinde.
Jóndeý jumystaryn júrgizý josparlanǵan 67 kósheniń 40 kóshesinde búgingi tańda jumystar júrgizilýde. Oǵan 60-qa jýyq arnaiy tehnika men 110-nan astam jumysshy tartylǵan.
«Arys qalasynyń kóshelerin qalpyna keltirý boiynsha aǵymdaǵy jyldyń 3 tamyzy kúngi jaǵdai boiynsha kelesidei jumystar atqarylýda: 4 kóshede asfalt salý jumystary aiaqtaldy; 19 kóshede joldyń negizine qumdy-shaǵal tas tóseý jumystary júrgizilýde; 15 kóshede aiaqjol salý jumystary júrýde; 2 kóshede jaryqtandyrý baǵanalaryn ornatatyn uńǵymalar qazylyp, beton quiý jumystary júrgizilip jatyr. Jalpy jóndeý jumystaryn aǵymdaǵy jyldyń tamyz aiynda tolyq aiaqtaý josparlanǵan», - dedi Túrkistan oblysy ákiminiń baspasóz qyzmetinen.
