QR Indýstriia jáne infraqurylymdyq damý ministrliginiń derekteri boiynsha Arysta 31 shildege qarai 5776 úide qalpyna keltirý jumystary aiaqtaldy. Onyń ishinde 2529 úige árleý jumystaryn júrgizý jalǵasady, dep habarlaidy "Ult aqparat" IIDM baspasóz qyzmetine silteme jasap.
Qalany 17 sektor boiynsha 7,7 myń qurylysshy qalpyna keltirýde. Búgingi tańda jumysshylar 4 kóppáterli turǵyn úidi paidalanýǵa tapsyrdy, taǵy da 17 kópqabatty úide kúrdeli jóndeý jumystary aiaqtaldy, onda árleý jumystary ǵana qalyp otyr.
Arys qalasyn qalpyna keltirýge elimizdiń barlyq óńirleri, sondai-aq respýblikalyq mańyzǵa ie qalalar da óz úlesterin qosýda. TJ oryn alǵan alǵashqy kúnnen bastap qurylys jumystaryna baqylaý jáne monitoring jasaýdy Ministrliktiń birinshi vitse-ministri Qaiyrbek Óskenbaev júrgizýde.
