29 shildede qurylysshylar Arys qalasynda qalypqa keltirilgen 2707 baspanany tapsyryp, 5051 otbasy óz úilerine oraldy, dep habarlaidy "Ult aqparat" QR Indýstriia jáne infraqurylymdyq damý ministrliginiń baspasóz qyzmetine silteme jasap.
«Taiaýda taǵy 2344 úide negizgi qalypqa keltirý jumystary aiaqtaldy. Búginde 7785 qurylysshy qalany qalpyna keltirýdi jalǵastyrýda. Bir ai ishinde olardyń qatary taǵy da kún saiyn eki júzge tarta jumyskermen tolyqpaq», delingen QR Indýstriia jáne infraqurylymdyq damý ministrliginiń baspasóz qyzmeti taratqan habarlamada.
Indýstriia jáne infraqurylymdyq damý ministrliginiń aqparatyna sáikes, keń kólemdi qurylys jumystaryna elimizdiń barlyq oblystary, sondai-aq respýblikalyq mańyzy bar qalalar qatysady. Arys qalasyn qalpyna keltirý jumystarynyń barysy Indýstriia jáne infraqurylymdyq damý birinshi vitse-ministri Qaiyrbek Óskenbaevtyń tikelei qadaǵalaýynda ekeni aitylǵan.
