Ishki ister vitse-ministri Aleksei Kalaichidi Arysta jasalǵan qylmystar jaily aityp berdi, dep habarlaidy Sputnik Qazaqstan.
Onyń aitýynsha, Arysta ishki ister organdarynyń 404 qyzmetkeri júr. Osy ýaqytqa deiin olar urlyqqa qatysty 100-den astam aryz-shaǵymdy qabyldaǵan.
"Ázirge urlyqqa qatysty 120 aryz tústi. Ol qylmystyq áreketter adamdar qalada bolmaǵan kezde, sosyn evakýatsiia júrip jatqanda boldy. Endi ol kezde dúrbeleń bolǵan ǵoi. Adamdar bárin tastap qashqan. Ókinishke qarai, osyndai jaǵdaida da qylmysqa barǵandar boldy", - dedi Kalaichidi Sputnik Qazaqstan tilshisine bergen suhbatynda.
Vitse-ministrdiń sózine qaraǵanda, qaraqshylar úige túsip, jeke múlikti, tipti, qoradaǵy maldy urlaǵan.
"120 aryz tústi dep otyrmyz ǵoi. Atalǵan shaǵymdar boiynsha shyǵynnyń jalpy kólemi 20 million teńgeni qurap otyr. Endi bizde urlyqqa qatysty qylmystyq isterdiń 50 protsenti ashylady", - dep atap kórsetti Kalaichidi.
