Qazirgi tańda Arys qalasynda naqty 1091 úidiń jumysy tolyq aiaqtalǵan. Sondai-aq, 4362 úidiń qurylys jáne jóndeý jumystary atqarylyp jatyr, dep habarlaidy "Ult aqparat" Túrkistan oblysy ákiminiń baspasóz qyzmetine silteme jasap.
Aita keterligi, Arys qalasynda 8409 jeke, 104 kópqabatty turǵyn úi bar. Jarylys kezinde múldem jaramsyz kúige túskeni – 186 jeke, 8 kópqabatty úi. Al zaqymdaǵany – 7178 jeke, 95-si kópqabatty úi. Jalpy 17 sektor boiynsha respýblikanyń barlyq oblystarynan – 5685, aýdandardan 300-den astam jumysshy eńbek etýde.
Budan ózge Arys qalasyndaǵy 14 mektep, 2 aýrýhana, 28 balabaqsha, birneshe memlekettik mekemelerdiń ǵimarattaryna zaqym kelgen. Arys qalasynda 66 áleýmettik nysandy qalpyna keltirý «Samuryq – Qazyna» ál-aýqat qoryna tapsyrylǵan. Onyń 54-i bilim nysandary, 8-i densaýlyq saqtaý, 4-ýi sport nysandary. Áleýmettik infraqurylym boiynsha 66 nysanda qurylys jumystary júrgizilýde.
Sonymen qatar, qaladaǵy 300-ge jýyq kásipkerlik nysandar «Atameken» kásipkerler palatasynyń uiymdastyrýymen jóndeýden ótkiziletin bolady. Aldaǵy ýaqytta jergilikti turǵyndarǵa joǵary sapaly meditsinalyq kómek kórsetý maqsatynda jańa aýrýhana jáne eki emhana boi kóteredi.
