Arys turǵyndaryn óz úilerine jetkizý jumystaryn elimizdiń Ishki ister ministri Erlan Turǵymbaev jeke baqylap júr. Bul jaiynda QR IIM resmi ókili Nurdildá Oraz málim etti, dep habarlaidy "Ult aqparat".
«Ishki ister organdarynyń qyzmetkerleri Arys qalasyndaǵy jarylystan zardap shekenderdiń kóshýine kómektesýde. Tańǵy saǵat 06.00-den bastap Túrkistan oblystyq jáne Shymkent qalalyq Politsiia departamentteriniń jeke quramy turǵyndardyń qaýipsizdigin qamtamasyz etýde. Evakýatsiialanǵan Arys turǵyndary avtobýs kollonalarymen oralýda. Bul kósh departamenttiń jol politsiiasynyń bastaýymen iske asyrylyp jatyr», - dedi ol.
Onyń atap ótýinshe, jergilikti politsiia qyzmeti azamattardyń quqyqtyq tártibi men múlikteriniń saqtalýyn qatań qadaǵalaýǵa alǵan.
«Turǵyndardy kóshirý jaǵdaiyn Arys qalasyna arnaiy kelgen Ishki ister ministri Erlan Turǵymbaev óziniń jeke baqylaýyna aldy. Qaýip týyndaǵan kezden bastap qaladan 3566 turǵyn evakýatsiialanyp, 39 myńnan astam adam ózderi shyqqan bolatyn. Tótenshe jaǵdailardyń saldaryn joiý úshin Ishki ister minstrliginiń kúshi men quraldary, atap atiqanda 1500-den astam jeke quramy jáne 188 tehnikasy jumys isteýde», - dedi N.Oraz.
