Arys turǵyndaryn Shymkentke jetkizý úshin qala ákimdigi tarapynan 100 avtobýs bólindi, dep habarlaidy "Ult aqparat".
Buǵan qosa, Arys baǵytyna ketip bara jatyp, Shymkentte toqtatylǵan 6 poiyzdyń jolaýshylaryn Túrkistan qalasyna jetkizý úshin 43 avtobýs baǵyttaldy. 24 maýsym kúni osy avtobýstarmen Túrkistan qalasyna 2500-den astam adam attandy.
Arys qalasyndaǵy qutqarý operatsiialaryna qatysý úshin 6506 áskeri bóliminen 541 sarbaz attandyryldy.
24 maýsym kúni Shymkenttegi mektep jáne kolledjerde 15 evakýatsiialyq pýnkt ashylyp, Arys turǵyndary sonda ornalastyrylýda. Azamattar ystyq tamaq jáne aýyz sýmen qamtamasyz etilýde. Azyq-túlik, kiim-keshek, aiaq kiim, kórpe-tósek, balalarǵa qajet zattardy Shymkenttiń kóptegen turǵyndary da jetkizýde.
