Shyǵys Qazaqstan oblysy dál qazirgi ýaqytta memlekettik qonys aýdarý baǵdarlamasy boiynsha 1000 adamdy qabyldaýǵa daiyn, dep habarlaidy altaynews.kz.
Bul týraly ShQO Jumyspen qamtý jáne áleýmettik baǵdarlamalardy úilestirý basqarmasynyń basshysy Erbolat Oshaqbaev málimdedi.
Basqarma basshysynyń aitýynsha, oblystyń barlyq qalalary men aýdandarynda qonys aýdarǵan azamattarǵa memlekettik qoldaý kórsetilip, otbasynyń ár múshesine kóshý, baspana jaldaý, kommýnaldyq tólemder úshin sýbsidiia túrinde materialdyq kómek qarastyrylǵan. Sondai-aq, birden jumyspen qamtylady. Kei qalalar men aýdandarda tegin baspana men jer telimderi, usaq múiizdi mal basy, odan bólek, óz kásibin ashýǵa da sýbsidiia berilýi múmkin.
Osy múmkindikterdi Arys qalasynyń turǵyndaryna paidalanýǵa bolady eken. Esterińizge sala ketsek, Túrkistan oblysyndaǵy Arys qalasynda jarylys bolyp, tótenshe jaǵdai jariialandy. Qala turǵyndary kórshiles eldi mekenderge evakýatsiialandy.
-Búgingi tańda osy maqsattarǵa bizge respýblikalyq biýdjetten 736 million teńge bólinip otyr. 1566 adamǵa kvota berilgen. 1528 bos oryn bar. Eger Arys qalasynan ShQO-ǵa qonys aýdarýǵa niet bildirgen azamattardyń sany arta tússe, respýblikadan kvota sanyn kóbeitýdi suraimyz. Ondai máseleler sheshýge bolady. Kez-kelgen ýaqytta arys qalasyna baryp, bos oryn qyzmetteriniń jármeńkesin uiymdastyrýǵa, jergilikti halyqpen túsindirý jumystaryn júrgizýge daiyn otyrmyz. 1000 adamdy qabyldai alamyz, - deidi Erbolat Oshaqbaev.
Kóship kelgen azamattar birden jumyspen qamtylady. Jalaqy mólsheri 80 myń teńgeden kem emes. Otbasyndaǵy balalar kezekten tys mektep pen balabaqshaǵa ornalastyrylyp, tegin tamaq jáne mektep formasy sekildi qajettiliktermen qamtamasyz etiledi. Qosymsha kómek retinde turǵyn úi berý, ony daiyndaý, jóndeý jumystaryn júrgizý, qoi-eshki sekildi usaq múiizdi mal berý qarastyrylǵan. Sonymen qatar, berilgen sýbsidiiadaǵy qarajatty jinap, qalaǵan baspanasyn satyp alý múmkindigi de bar.
-Ásirese, Altai, Ridder, Zaisan, Aiagóz qalalary men Jarma, Kókpekti aýdandarynda qonys aýdarýshylarǵa asa jaqsy jaǵdai jasalýda, - deidi basqarma basshysy.
Aimaqqa asa qajet mamandyqtar: agronom, pedagog, balabaqsha kútýshileri, meditsinalyq qyzmetkerler, maral ósirýshi, júrgizýshiler (V, S, D kategoriialary boiynsha), horeografiia, án-kúi mamandary, informatika, aǵylshyn tili, himiia, biologiia pánderiniń mamandary.
