Búgin Arys qalasy mańynda oq-dári jarylyp, bir adam qaza tapty, dep habarlaidy "Ult aqparat" Qorǵanys ministrliginiń baspasóz qyzmetine silteme jasap.
11 qazanda arnaiy jabdyqtalǵan poligon aýmaǵynda (Arys qalasynan 60 shaqyrym jerde) jinalǵan oq-dári fragmentterin joiý kezinde oq-dárige ýaqytynan buryn detonatsiia jasalǵan. Saldarynan top jetekshisi, áskeri bólimniń injenerlik qyzmetiniń bastyǵy, maior A. S. Aqyshev qaza tapty.
«Oqiǵa ornynan jetken aqparatqa sáikes, jumys qajetti qaýipsizdik sharalaryn saqtai otyryp júrgizildi. Oryn alǵan oqiǵanyń naqty sebebi men saldary anyqtalýda. Arnaiy tergeý toby jumys jasap jatyr. Bul jaǵdai poligonǵa jaqyn ornalasqan qala turǵyndaryna qaýip tóndirmeidi, óńirde úzdiksiz baqylaý júrgizilýde» delingen habarlamada.
Qorǵanys ministrligi qaza bolǵan áskeri qyzmetshiniń týystary men dostaryna kóńil aitady jáne olarǵa barlyq qajetti kómekti kórsetedi.
