QR QM Memlekettik kirister komiteti Arys qalasynyń salyq tóleýshilerine salyq kanikýlyn usynatyn bolady, dep habarlaidy "Ult aqparat" atalmysh ministrliktiń baspasóz qyzmetine silteme jasap.
Bul shara Arys qalasyn qalpyna keltirý jáne onyń áleýmettik - ekonomikalyq damýyn qamtamasyz etý úshin TJ saldaryn joiý jónindegi komissiianyń otyrysynda aitylǵan Premer-Ministrdiń tapsyrmasynda kórsetilgen.
Salyq bereshegi bar salyq tóleýshiler boiynsha merzimin keiinge qaldyrý jáne uzartý boiynsha jumys qysqa merzimde jáne ońailatylǵan tártippen júrgiziletin bolady.
«Salyq jáne biýdjetke tólenetin basqa da mindetti tólemder týraly» QR Kodeksine sáikes salyqtardyń jáne (nemese) tólemaqylardyń somalaryn bir mezgilde teń úlestermen ai saiyn nemese toqsan saiyn tólei otyryp, merzimin uzartý úsh jyldan aspaityn merzimge beriledi.
Salyq tóleýshiniń jáne (nemese) úshinshi tulǵanyń jáne (nemese) banktik kepildikterge qoiylǵan múlkin kepilge qoiyp salyq tóleýshiniń ótinishi boiynsha keiinge qaldyrý nemese bólik tóleý usynylady.
Arys qalasynyń salyq tóleýshisi keiinge qaldyrýdy nemese bólik tóleýdi alǵan kezde ósimpul esepteýden bosatylatyn bolatynyn atap aitý kerek.
Sonymen qatar Arys qalasynyń barlyq salyq tóleýshilerine:
dara kásipkerlerdiń jekelegen sanattarynyń qyzmetin ońailatylǵan tártipte toqtatý úshin;
elektrondy túrde qosylǵan qun salyǵy boiynsha tirkeý esebine qoiý úshin qosylǵan qun salyǵy boiynsha tirkeý esebi týraly salyqtyq ótinishti berý quqyǵyn usynýǵa, salyq eseptiligin tabys etýdi uzartý quqyǵyn berý (uzartý múmkindigi 1 aiǵa deiingi merzimge), salyq eseptiligin tabys etýdi (uzartý, qaita bastaý) toqtatý múmkindigi berildi.
Mundai salyq tóleýshilerge salyqtyq ákimshilendirý sharalary qoldanylmaidy, salyqtyq bereshekterdi óteý týraly habarlama joldanbaidy, salyq tóleýshiniń (salyq agentiniń) kassasy boiynsha, banktik shottary boiynsha shyǵys operatsiialary toqtatylmaidy, salyq tóleýshiniń (salyq agentiniń) múligine shekteý ókimi shyǵarylmaidy, salyqtyq bereshekterdi májbúrlep óndirý sharalary qoldanylmaidy.
Budan basqa, Komitet barlyq kóshpeli salyqtyq tekserýlerdi, sondai-aq basqa da salyqtyq baqylaýlardy shekteidi.
