Qurylys jáne TKSh isteri komitetiniń málimeti boiynsha, Arys qalasynda jalpy alǵanda 9313 qurylysshy eńbek etýde, dep habarlaidy "Ult aqparat" Indýstriia jáne infraqurylymdyq damý ministrliginiń baspasóz qyzmetine silteme jasap.
7 myńnan astam maman turǵyn úi qoryn qalpyna keltirýde, qalǵan bóligi áleýmettik nysandarda iske qosýmen ainalysyp jatyr. 6 tamyzǵa deiin brigadalar 7 bilim berý mekemesin tolyq jóndeýden ótkizip, paidalanýǵa tapsyrdy. Bilim berý, densaýlyq saqtaý jáne sport salasyndaǵy 59 nysannyń qurylys jumystary aiaqtalýǵa jaqyn.
Sondai-aq, aptap ystyqqa qaramastan qurylysshylar 2405 úide kosmetikalyq jóndeý jumystaryn aiaqtaidy. Apatty dep tanylǵan taǵy 413 úi buzylyp, rekordtyq merzimde qurylysy salynyp jatyr.
Esterińizge sala keteiik, áskeri poligondaǵy jarylystardan Arys qalasynyń turǵyn úi qorynyń 85% zardap shekken edi. 1 tamyzǵa deiin qurylysshylar 6,5 myń obektini qalpyna keltirdi, bul barlyq qiraǵan úilerdiń 90%. Aýqymdy qurylysqa barlyq óńirler men respýblikalyq mańyzy bar qalalar tartylǵan.
