2019 jylǵy 11 shildedegi jaǵdai boiynsha Túrkistan oblysy Arys qalasynda 674 úi qalpyna keltirildi.
Aýqymdy jumysqa 110 qurylys kompaniiasy tartylǵan. Bul týraly QR Indýstriia jáne infraqurylymdyq damý ministrliginiń baspasóz qyzmeti habarlady.
Qurylys jáne TKSh isteri komitetiniń málimeti boiynsha, 4699 qurylysshy men 207 arnaiy tehnika 2989 jeke turǵyn úi qurylysy men KPTÚ nysandarynda (bir kún buryn 2725 nysanda) jumys isteidi.
Arys qalasynyń turǵyn úi qoryn jedel qalpyna keltirý maqsatynda árbir óńir men respýblikalyq mańyzy bar qalalar úshin 17 sektorǵa bólingen.
Jóndeý jumystary SQO, Atyraý oblysy, Pavlodar oblysy, BQO jáne Aqtóbe oblysy sektorlary boiynsha jaqsy qarqynmen júrgizilýde. Qostanai oblysy, ShQO jáne Almaty oblysy sektorlarynda jumystardyń baiaý qarqyny baiqalady.
«Atalǵan óńirler jumysty kúsheitip, turǵyn úilerdi jóndeý men qalpyna keltirý qarqynyn arttyrýy qajet», - dep atap ótti QR IIDM vitse-ministri Qaiyrbek Óskenbaev jergilikti atqarýshy organdar ókilderimen ótken keńes barysynda.
Ol sondai-aq qurylys barysyn baqylaý kún saiyn júrgizilip jatqanyn atap ótti.
Esterińizge sala keteiik, Elbasy men Memleket basshysynyń tapsyrmasy boiynsha barlyq búlingen jáne buzylǵan nysandar 2019 jyldyń 1 tamyzyna deiin tapsyrylýy tiis.
