Arys qalasynda 6,5 myńnan astam turǵyn úi qalpyna keltirildi, dep habarlaidy "Ult aqparat" Túrkistan oblysy ákimdiginiń baspasóz qyzmetine silteme jasap.
«Bir aidan beri qurylys jumystary qyzý júrgizilýde. Qalany qalpyna keltirýge 10 myńnan astam qurylysshy atsalysty. Búgingi tańda Arys qalasyndaǵy qurylys jumystarynyń 90% astamy aiaqtalyp otyr. Atap aitsaq, onyń ishinde, tirshilikti qamtamasyz etetin nysandar men infraqurylymdary qalpyna keltirildi. 6,5 myńnan astam turǵyn úi qalpyna keltirilip, otbasylar jóndelgen úilerine kirdi. Barlyq injenerlik infraqurylym tolyq jóndeýden ótkizildi. Kósheler aýqymdy túrde rekonstrýktsiialandy. 62 áleýmettik nysan, sonyń ishinde – aýrýhanalar, mektepter, balabaqshalar, sport obektileri 20 tamyzǵa deiin daiyn bolady», - delingen ákimdik aqparatynda.
Sondai-aq málim bolǵandai, zardap shekken 7516 jer úidiń 6611-i nemese 90 paiyzy jóndeýden ótti. Qalǵan 905 úidiń jóndeý jumystary 10 tamyzǵa deiin aiaqtalatyny josparlanǵan.
«Kópqabatty 67 úidi qalpyna keltirý jumystaryn 20 tamyzǵa deiin aiaqtaý josparlanýda. Barlyq 66 áleýmettik nysandy qalpyna keltirý jumystary 20 tamyzǵa deiin bitpek. Osyǵan orai, Shtabtardyń jumysy 20 tamyzǵa deiin jalǵasady», - dedi óńir ákimdiginen.
Aita keteiik, Arys qalasyn qalpyna keltirýge barlyq óńirler, sondai-aq respýblikalyq mańyzǵa ie qalalar da óz úlesin qosyp jatyr.
