ارىس قالاسىندا 6,5 مىڭنان استام تۇرعىن ٷي قالپىنا كەلتٸرٸلدٸ, دەپ حابارلايدى "ۇلت اقپارات" تٷركٸستان وبلىسى ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
«بٸر ايدان بەرٸ قۇرىلىس جۇمىستارى قىزۋ جٷرگٸزٸلۋدە. قالانى قالپىنا كەلتٸرۋگە 10 مىڭنان استام قۇرىلىسشى اتسالىستى. بٷگٸنگٸ تاڭدا ارىس قالاسىنداعى قۇرىلىس جۇمىستارىنىڭ 90% استامى اياقتالىپ وتىر. اتاپ ايتساق, ونىڭ ٸشٸندە, تٸرشٸلٸكتٸ قامتاماسىز ەتەتٸن نىساندار مەن ينفراقۇرىلىمدارى قالپىنا كەلتٸرٸلدٸ. 6,5 مىڭنان استام تۇرعىن ٷي قالپىنا كەلتٸرٸلٸپ, وتباسىلار جٶندەلگەن ٷيلەرٸنە كٸردٸ. بارلىق ينجەنەرلٸك ينفراقۇرىلىم تولىق جٶندەۋدەن ٶتكٸزٸلدٸ. كٶشەلەر اۋقىمدى تٷردە رەكونسترۋكتسييالاندى. 62 ەلەۋمەتتٸك نىسان, سونىڭ ٸشٸندە – اۋرۋحانالار, مەكتەپتەر, بالاباقشالار, سپورت وبەكتٸلەرٸ 20 تامىزعا دەيٸن دايىن بولادى», - دەلٸنگەن ەكٸمدٸك اقپاراتىندا.
سونداي-اق مەلٸم بولعانداي, زارداپ شەككەن 7516 جەر ٷيدٸڭ 6611-ٸ نەمەسە 90 پايىزى جٶندەۋدەن ٶتتٸ. قالعان 905 ٷيدٸڭ جٶندەۋ جۇمىستارى 10 تامىزعا دەيٸن اياقتالاتىنى جوسپارلانعان.
«كٶپقاباتتى 67 ٷيدٸ قالپىنا كەلتٸرۋ جۇمىستارىن 20 تامىزعا دەيٸن اياقتاۋ جوسپارلانۋدا. بارلىق 66 ەلەۋمەتتٸك نىساندى قالپىنا كەلتٸرۋ جۇمىستارى 20 تامىزعا دەيٸن بٸتپەك. وسىعان وراي, شتابتاردىڭ جۇمىسى 20 تامىزعا دەيٸن جالعاسادى», - دەدٸ ٶڭٸر ەكٸمدٸگٸنەن.
ايتا كەتەيٸك, ارىس قالاسىن قالپىنا كەلتٸرۋگە بارلىق ٶڭٸرلەر, سونداي-اق رەسپۋبليكالىق ماڭىزعا يە قالالار دا ٶز ٷلەسٸن قوسىپ جاتىر.
