Bir táýlik ishinde qurylysshylar Arys qalasynda taǵy 109 turǵyn úidi tapsyrdy. Qurylys jáne TKSh isteri komitetiniń málimeti boiynsha, qalpyna keltirilgen úilerdiń sany búgin 1469-ǵa jetti. Bul týraly QR Indýstriia jáne infraqurylymdyq damý ministrliginiń baspasóz qyzmeti habarlady.
Arystaǵy úilerdi qalpyna keltirýge 17 óńir men respýblikalyq mańyzy bar 3 qaladan 207 qurylys kompaniiasy jumyldyrylǵan. Bul - shamamen 6868 jumysshy jáne 265 arnaiy tehnika.
Aita keteiik, áskeri poligonda bolǵan oqiǵadan keiin Arys qalasyndaǵy barlyq úidiń 85% búlingeni anyqtaldy. QR IIDM birinshi vitse-ministri Qaiyrbek Óskenbaevtyń aitýynsha, kún saiyn 100-den 250-ge deiin úi qalpyna keltirý jumystarymen qamtylady.
Elbasynyń jáne Memleket basshysynyń tapsyrmasy boiynsha barlyq búlingen jáne buzylǵan obektiler 1 tamyzǵa deiin tapsyrylýy tiis.
