Búgingi tańda Arys qalasyndaǵy 1 875 úide qalpyna keltirý jumystary aiaqtaldy, dep habarlaidy "Ult aqparat" QR Indýstriia jáne infraqurylymdyq damý ministrliginiń baspasóz qyzmetine silteme jasap.
Baspasóz qyzmetiniń málimetinshe, 17 sektorǵa bólingen qalada qazir 7 324 jumysshy isteidi. Olar 4 804 jeke turǵyn úi men kóp qabatty úidi jóndeidi.
Qurylysshylar aptap ystyqqa qaramastan eńbek etýde. Kúndiz Arysta termometr baǵanasy 45 gradýstan tómen túspei tur.
«Jumys kúni tańǵy altydan bastalady jáne saǵat 13.00-ge deiin jalǵasady. Sodan keiin saǵat 13.00-den 16.00-ge deiin úzilis jariialaimyz. Qurylysshylarǵa demalys beremiz, óitkeni aptap ystyq kúnniń astynda júrý múmkin emes. Saǵat tórt jarymdar shamasynan bastap keshke deiin jóndeý jumystaryn jalǵasady. Basqalai bolýy múmkin emes», - dedi vitse-ministr Qaiyrbek Óskenbaev.
Esterińizge sala keteiik, QR IIDM vitse-ministri Arys qalasynda tótenshe jaǵdaidyń alǵashqy kúnderinen beri jumys isteýde. Ministrlik mamandary qurylys barysyn qadaǵalaidy. Qalany qalpyna keltirýge eldiń barlyq óńirleri men respýblikalyq mańyzy bar qalalar qatysýda.
