Arys qalasynda 15 shildedegi jaǵdai boiynsha 1 172 úi qalpyna keltirildi, dep habarlaidy "Ult aqparat" indýstriia jáne infraqurylymdyq damý ministrliginiń baspasóz qyzmetine silteme jasap.
Ministrliktiń málimetinshe, jóndeý jumystary 4 504 jeke turǵyn úi qurylysy jáne kóppáterli turǵyn úi nysandarynda júrgizilip jatyr.
Qalany qalpyna keltirýge 197 qurylys kompaniiasy, 3 159 qurylysshy jumyldyrylǵan. Qalanyń 17 sektorynda 250 arnaiy tehnika jumys isteýde.
Sondai-aq, 65 áleýmettik nysan qalpyna keltirilip jatyr, onda 1 746 qurylysshy jumys isteidi.
Birinshi vitse-ministr Qaiyrbek Óskenbaev bastaǵan IIDM mamandary Arys qalasyndaǵy úilerdiń monitoringin jáne qurylystyń barysyn baqylaýdy kún saiyn júrgizedi.
Elbasynyń jáne Memleket basshysynyń tapsyrmasy boiynsha barlyq búlingen jáne buzylǵan obektiler 2019 jyldyń 1 tamyzyna deiin jóndelýi tiis.
