Arys qalasyna kire beris jolda jańa qaqpa salynady, dep habarlaidy "Ult aqparat" QR Kásipodaqtar federatsiiasynyń baspasóz qyzmetine silteme jasap.
Kásipodaqtar federatsiiasynyń tóraǵasy Baqytjan Ábdiraiym jańadan salynyp jatqan Arys qalasynyń kire berisindegi qaqpanyń irgetasyna kapsýla qoidy.
Qazir qalany qalpyna keltirý jumystaryna elimizdiń barlyq aimaqtary qatysýda. Kásipodaqtar bul igi sharadan tys qalmai, arhitektýralyq qurylystardyń boi kóterýine ózindik úles qosady.
Kásipodaqtar qala turǵyndary úshin qasietti Qurban ait meiramynyń qurmetine dastarhan jaidy.
Baqytjan Ábdiraiym arystyqtardy Qurban ait meiramymen quttyqtap, bul qasietti mereke jaqsylyq pen qaiyrymdylyqtyń nyshany ekenin atap ótti. Ol kásipodaqtar oryn alǵan apatty jaǵdaiǵa bei-jai qarai almaitynyn, arystyqtarmen birge ekendikterin jetkizdi.
Osy kúni kásipodaqtar federatsiiasynyń basshylyǵy jarylys kezinde qaitys bolǵan jas búldirshin Aian Erbolulynyń otbasyna baryp, kóńil aitty.
Kásipodaq ókilderi Aiannyń otbasyna materialdyq kómek kórsetti, sondai-aq, kásipodaqtar shipajaiyna sertifikat tabystady.
Federatsiia óz tarapynan qala turǵyndaryna shipajailyq-kýrorttyq saýyqtyrý úshin kásipodaq sertifikattaryn tabystady.
«Biz Arys turǵyndaryna kómektesýdi ózimizdiń azamattyq boryshymyz dep esepteimiz, barlyq jerlesterdi osy oqiǵadan tys qalmai, azamattarymyzǵa múmkindiginshe kómek kórsetýge shaqyramyz», – dedi Baqytjan Ábdiraiym.
