ارىس قالاسىنا كٸرە بەرٸس جولدا جاڭا قاقپا سالىنادى, دەپ حابارلايدى "ۇلت اقپارات" قر كەسٸپوداقتار فەدەراتسيياسىنىڭ باسپاسٶز قىزمەتٸنە سٸلتەمە جاساپ.
كەسٸپوداقتار فەدەراتسيياسىنىڭ تٶراعاسى باقىتجان ەبدٸرايىم جاڭادان سالىنىپ جاتقان ارىس قالاسىنىڭ كٸرە بەرٸسٸندەگٸ قاقپانىڭ ٸرگەتاسىنا كاپسۋلا قويدى.
قازٸر قالانى قالپىنا كەلتٸرۋ جۇمىستارىنا ەلٸمٸزدٸڭ بارلىق ايماقتارى قاتىسۋدا. كەسٸپوداقتار بۇل يگٸ شارادان تىس قالماي, ارحيتەكتۋرالىق قۇرىلىستاردىڭ بوي كٶتەرۋٸنە ٶزٸندٸك ٷلەس قوسادى.
كەسٸپوداقتار قالا تۇرعىندارى ٷشٸن قاسيەتتٸ قۇربان ايت مەيرامىنىڭ قۇرمەتٸنە داستارحان جايدى.
باقىتجان ەبدٸرايىم ارىستىقتاردى قۇربان ايت مەيرامىمەن قۇتتىقتاپ, بۇل قاسيەتتٸ مەرەكە جاقسىلىق پەن قايىرىمدىلىقتىڭ نىشانى ەكەنٸن اتاپ ٶتتٸ. ول كەسٸپوداقتار ورىن العان اپاتتى جاعدايعا بەي-جاي قاراي المايتىنىن, ارىستىقتارمەن بٸرگە ەكەندٸكتەرٸن جەتكٸزدٸ.
وسى كٷنٸ كەسٸپوداقتار فەدەراتسيياسىنىڭ باسشىلىعى جارىلىس كەزٸندە قايتىس بولعان جاس بٷلدٸرشٸن ايان ەربولۇلىنىڭ وتباسىنا بارىپ, كٶڭٸل ايتتى.
كەسٸپوداق ٶكٸلدەرٸ اياننىڭ وتباسىنا ماتەريالدىق كٶمەك كٶرسەتتٸ, سونداي-اق, كەسٸپوداقتار شيپاجايىنا سەرتيفيكات تابىستادى.
فەدەراتسييا ٶز تاراپىنان قالا تۇرعىندارىنا شيپاجايلىق-كۋرورتتىق ساۋىقتىرۋ ٷشٸن كەسٸپوداق سەرتيفيكاتتارىن تابىستادى.
«بٸز ارىس تۇرعىندارىنا كٶمەكتەسۋدٸ ٶزٸمٸزدٸڭ ازاماتتىق بورىشىمىز دەپ ەسەپتەيمٸز, بارلىق جەرلەستەردٸ وسى وقيعادان تىس قالماي, ازاماتتارىمىزعا مٷمكٸندٸگٸنشە كٶمەك كٶرسەتۋگە شاقىرامىز», – دەدٸ باقىتجان ەبدٸرايىم.
