Arys qalasy 1 tamyzǵa deiin tolyǵymen qalpyna keltiriledi. Bul týraly qalany qalpyna keltirý boiynsha ótken respýblikalyq komissiianyń otyrysynda Úkimet basshysy Asqar Mamin aitty, dep habarlaidy QazAqparat.
Jaǵdaimen tanysý úshin Arys qalasyna kelgen Premer-Ministr Túrkistan oblysynyń ákimi Ómirzaq Shókeevpen birge snariadtardyń jarylysynan qiraǵan nysandardy aralap kórdi. Bul - turǵyn úiler, 4 qabatty aýrýhana ǵimaraty, Halyqqa qyzmet kórsetý ortalyǵy jáne I.Jýrba atyndaǵy mektep.
Úkimet basshysy sondai-aq, úilerine oralǵan arystyqtarmen kezdesip, olarǵa memleketten qajetti barlyq kómek kórsetiletinin atap ótti.
Keiin A.Mamin halyqqa qoldaý kórsetý sharalaryn talqylaýǵa arnalǵan respýblikalyq komissiianyń otyrysyna qatysty. Onyń sózinshe, turǵyndardyń árqaisysyna 100 myń teńgeden beriledi.
Sondai-aq Ministrler kabinetiniń basshysy qala tolyǵymen bir aidyń ishinde qalpyna keltiriletinin málim etti.
Budan bólek, kásipkerlerge 1 paiyzben 5 million teńgege deiin nesie beriledi.
Jańa aýrýhana boi kóterip, 4 myń bala jazǵy lagerlerde demalady. Eń bastysy, qalada ornalasqan áskeri arsenal aldaǵy eki aptanyń ishinde basqa jerge kóshiriletin bolady.
