Bala quqyqtary jónindegi ýákil Arýjan Sain Túrkistan oblysynda sportqa bólingen biýdjet qarajatyn orynsyz jumsaitynyn málimdedi. Onyń aitýynsha, sport sektsiialarynyń ornyna bilik imidjdik is-sharalarǵa júzdegen million jumsaidy, - dep habarlaidy Tengrinews.kz tilshisi.
Óńir máselesin Túrkistan oblysy ákiminiń orynbasary Sáken Qalqamanov qozǵady. Ol óz sózinde mektepterde iývenaldy politsiia inspektorlary jetkiliksiz ekenin aitty.
"Barlyq óńirlik mektepterde barlyǵymyzǵa belgili býlling máselesi bar. Iaǵni kishi balalardan "úlkender" aqsha jinaý, kúsh kórsetý. Sondyqtan jergilikti deńgeide quqyq qorǵaý organdaryna jedel jumys júrgizýge jáne aqsha jinaýmen ainalysatyn toptardy ustaýǵa keńes beremin. Bizde mektepterde iývenaldy inspektorlar jetispeidi. Bir inspektor 10 jáne odan kóp mektepterde jumys isteidi. Bul Túrkistan oblysynda burynnan kele jatqan problema. IIM tarapynan árbir mektepte jumys isteitin iývenaldy inspektorlardyń shtattyq sanyn kóbeitýge kómek qajet", - dedi Qalqamanov Úkimet janyndaǵy kámeletke tolmaǵandardyń isteri jáne olardyń quqyqtaryn qorǵaý jónindegi VAK otyrysy barysynda.
