Ortalyq kommýnikatsiialar qyzmetiniń direktory qyzmetine Artýr Nyǵmetov taǵaiyndaldy, dep habarlady "Ult aqparat".
Artýr Nyǵmetov Batys Qazaqstan memlekettik ýniversitetin támamdaǵan, Máskeý saiasi zertteýler mektebiniń túlegi. Shvetsiiadaǵy SIPU International (Stokgolm, 2008) memleket jáne jerglikti basqarý institýty men Konrad Adenaýer Qorynda (Berlin, 2012) synaqtan ótken.
2008 — 2012 jyldar aralyǵynda qazaqstandyq jáne sheteldik BAQtarda jýrnalist jáne redaktor qyzmetterin atqarǵan. «Nazarbaev Ortalyǵynda» bas sarapshy bolǵan. Soǵys jáne beibitshilik taqyryptaryndaǵy IWPR Britan Institýty basylymynda, Reseilik ekstremal jýrnalistika baǵytyndaǵy «Oazis» Internet-jýrnalynda, «Novaia gazeta — Kazahstan» gazetinde, «Astana» jýrnalynda maqalalary jaryq kórgen. Jyl saiynǵy «Halyq qalaýlysy» syilyǵynyń "Úzdik pýblitsist" nominatsiiasy boiynsha 2012 jyldyń laýreaty. 2014 jyly «Smart Advice» kommýnikatsiialyq tobynyń basqarýshysy bolyp qyzmet etken.
2015 jyly Almaty ákiminiń baspasóz hatshysy qyzmetin kirisip, sol jyldyń 21 qyrkúiegine deiin qyzmet etken. Sońǵy jyldary Qyzylorda oblysy ákiminiń keńesshisi bolyp jumys istegen.
