Parlament Májilisiniń jalpy otyrysynda palata depýtattary «Qazaqstan Respýblikasynyń keibir zańnamalyq aktilerine Qarýly kúshterdiń, basqa da áskerler men áskeri qurylymdardyń arsenaldary, bazalary men qoimalary janyndaǵy tyiym salynǵan aimaqtar men tyiym salynǵan aýdandar máseleleri boiynsha ózgerister men tolyqtyrýlar engizý týraly» zań jobasyn jumysqa aldy, dep habarlaidy "Ult aqparat".
«Parlament depýtattary ázirlegen zań jobasynda Qarýly kúshter, basqa da áskerler men áskeri qurylymdar arsenaldarynyń, bazalar men qoimalardyń qaýipsiz jumys isteýin qamtamasyz etý jónindegi zańnamany jetildirý, oq-dárilerdi saqtaý kezinde tótenshe jaǵdai týyndaǵan sátte halyqty, azamattyq jáne basqa infraqurylymdy qorǵaý kózdeledi», - dedi Májilistiń Halyqaralyq ister, qorǵanys jáne qaýipsizdik komitetiniń tóraǵasy Muhtar Erman.
Onyń sózine qaraǵanda, zań jobasynda arsenaldardyń, bazalar men qoimalardyń aýmaqtarynda ǵimarat pen qurylys nysanyn salýǵa, olardy paidalanýǵa tikelei bailanysty emes sharýashylyq jáne ózge de qyzmetti júrgizýge, ushý apparattaryn paidalanýǵa tyiym salýdy engizý qarastyrylǵan. Sondai-aq kórsetilgen zań buzýshylyq úshin ákimshilik aiyppuldardy qoldaný jaǵdaiy keńeitiledi.
«Komitet osy zań jobasyn jumysqa alýǵa jáne ol boiynsha 2020 jylǵy 30 jeltoqsanǵa deiingi merzimde qorytyndy ázirleýge daiyn», - dep naqtylady M. Erman.
