Qaraǵandy oblystyq Ekologiia departamenti 27 qazanynan 11 qarashasyna deiin «ArselorMittal Temirtaý» AQ-nyń Konverter tsehyn tekserdi, dep habarlaiy QazAqparat.
Tekserý barysynda departament birqatar buzýshylyq anyqtady.
Konverter tsehynyń jumysynda ekinshi rettik gaz tazalaýdyń qaldyq gazdaryn aýlaýdyń tiimsizdigi anyqtaldy. Sonymen qatar Konverterlik tsehtyń aralastyrý tekserý kezinde shoiyndy aralastyrǵysh shómishterine quiý kezinde aspiratsiialyq júielerde paida bolatyn gazdardy ustaý kezindegi kemshilikterdi kózben kórdi. Tútin gazynyń barlyq kólemi shatyr terezeleri men framýgalar arqyly atmosferalyq aýaǵa túsedi. Joǵaryda baiandalǵan jaǵdailar 2021 jylǵy 2 qańtardaǵy № 400 QR Ekologiialyq kodeksiniń 207-babyn buzýǵa alyp keldi.
«ArselorMittal Temirtaý» AQ anyqtalǵan buzýshylyqtarmen kelispeýine bailanysty, sondai-aq laýazymdy tulǵalarǵa tekserý júrgizý úshin qajetti materialdardy berýden bas tartqany úshin Departament bul kásiporynǵa qatysty QR ÁQBtK 331-babynyń 1-tarmaǵy jáne QR ÁQBtK 462-babynyń 1-tarmaǵy boiynsha ákimshilik jaýapkershilikke tartý týraly hattama jasady.
Barlyq ákimshilik materialdar Temirtaý qalasynyń ákimshilik quqyq buzýshylyq boiynsha mamandandyrylǵan sotyna joldandy.
