"ArselorMittal Temirtaý" AQ eńbekaqynyń ózgertilgeni týraly málimdedi, - dep habarlaidy "Ult aqparat" kompaniianyń baspasóz qyzmetine silteme jasap.
2018 jyldyń 1 qańtarynan bastap "ArselorMittal Temirtaý" AQ jáne "Órken" JShS-nyń 2017 jyldyń 31 jeltoqsanyndaǵy tizimine engen jumysshylardyń jalaqysy ósetini habarlanyp otyr.
"ArselorMittal Temirtaý" AQ kómir departamentiniń jerasty toptaryna jáne "Órken" JShS temir kenderinde qyzmet etetin jumysshylarynyń jalaqysy 30 paiyzǵa kóteriledi", - delingen habarlamada.
Sonymen qatar, "Órken" JShS kómir departamentiniń jerústi jumysshylaryna, bolat departamenti jáne "ArselorMittal Temirtaý" AQ bolat departamentiniń barlyq qosalqy qyzmeti jumysshylarynyń eńbekaqysy greid júiesimen 30 paiyzǵa ósetini habarlandy.
"ArselorMittal Temirtaý" AQ kómir departamentiniń jerústi jumysshylarǵa jalaqyny ósirý máselesi 2018 jyldyń 26 qańtarynda qarastyrylyp, sheshim qabyldanady eken.
