QR TJM Ónerkásiptik qaýipsizdik komiteti "ArselorMittal Temirtaý" AQ enshiles kásiporny "Qurylysmet" JShS ustapresteý tsehynda bolǵan oqiǵanyń mán-jaiyn aitty, - dep habarlaidy "Ult aqparat".
"10 maýsym saǵat 14:30 shamasynda Qaraǵandy oblysy, Temirtaý qalasynda ornalasqan "ArselorMittal Temirtaý" AQ enshiles kásiporny "Qurylysmet" JShS ustapresteý tsehynda toptyq jazataiym oqiǵa boldy.
Aldyn ala derekter boiynsha, jumys istemeitin termopeshtegi otqa tózimdi qalaýdy demontajdaý boiynsha jumystardy júrgizý kezinde pesh kúmbeziniń qulaýy oryn alǵan, nátijesinde 5 qyzmetker úiindi astynda qalǵan. Apat saldarynan 4 adam qaza taýyp, taǵy bireýi qalalyq ortalyq aýrýhanaǵa jetkizildi", - delingen habarlamada.
Toptyq jazataiym oqiǵanyń barlyq mán-jaiy men sebepterin anyqtaý maqsatynda arnaiy tergep-tekserý júrgizý úshin komissiia qurylatyny aitylady.
