قر تجم ٶنەركەسٸپتٸك قاۋٸپسٸزدٸك كوميتەتٸ "ارسەلورميتتال تەمٸرتاۋ" اق ەنشٸلەس كەسٸپورنى "قۇرىلىسمەت" جشس ۇستاپرەستەۋ تسەحىندا بولعان وقيعانىڭ مەن-جايىن ايتتى, - دەپ حابارلايدى "ۇلت اقپارات".
"10 ماۋسىم ساعات 14:30 شاماسىندا قاراعاندى وبلىسى, تەمٸرتاۋ قالاسىندا ورنالاسقان "ارسەلورميتتال تەمٸرتاۋ" اق ەنشٸلەس كەسٸپورنى "قۇرىلىسمەت" جشس ۇستاپرەستەۋ تسەحىندا توپتىق جازاتايىم وقيعا بولدى.
الدىن الا دەرەكتەر بويىنشا, جۇمىس ٸستەمەيتٸن تەرموپەشتەگٸ وتقا تٶزٸمدٸ قالاۋدى دەمونتاجداۋ بويىنشا جۇمىستاردى جٷرگٸزۋ كەزٸندە پەش كٷمبەزٸنٸڭ قۇلاۋى ورىن العان, نەتيجەسٸندە 5 قىزمەتكەر ٷيٸندٸ استىندا قالعان. اپات سالدارىنان 4 ادام قازا تاۋىپ, تاعى بٸرەۋٸ قالالىق ورتالىق اۋرۋحاناعا جەتكٸزٸلدٸ", - دەلٸنگەن حابارلامادا.
توپتىق جازاتايىم وقيعانىڭ بارلىق مەن-جايى مەن سەبەپتەرٸن انىقتاۋ ماقساتىندا ارنايى تەرگەپ-تەكسەرۋ جٷرگٸزۋ ٷشٸن كوميسسييا قۇرىلاتىنى ايتىلادى.
