© Photo: QR Energetika ministrligi baspasóz qyzmeti
"ArselorMittal Temirtaý" AQ sońǵy eki jylda aimaqtyń shahtalarynda bolǵan apattardan qansha adam zardap shekkenin aitty, dep habarlaidy Sputnik Qazaqstan ekaraganda.kz portalyna silteme jasap.
"2022 jyly bizde Lenin shahtasynda 5 adam qaitys bolǵan apat boldy. Jalpy, bir jyl ishinde 18 adam jaraqat aldy. 2023 jyly "Qazaqstan" shahtasyndaǵy osyndai iri apat birinshi ret boldy. Ózderińiz biletindei, úsh adam qaza tapty, ekeýi izdestirilip jatyr. Jyl basynan beri barlyǵy 8 adam jaraqat aldy", - dedi "ArselorMittal Temirtaý" kómir departamenti atqarýshy direktorynyń orynbasary Sergei Ogai.
"Qazaqstan" shahtasynda órtten bir kún buryn konveier taspasy aýystyrylǵan. Sodan keiin qaiǵyly oqiǵa boldy.
Esterińizge sala keteiik, 17 tamyzda tańǵy saǵat 10:05-te "Qazaqstan" shahtasynda konveier taspasy órtendi. Jumysshylardy shuǵyl evakýatsiialaý bastaldy. 222 kenshi jer betine shyǵaryldy.
Qaraǵandy oblysy densaýlyq saqtaý basqarmasynyń málimetinshe, zardap shekken 9 kenshi Maqajanov atyndaǵy klinikada, taǵy úsheýi Shahtinsk aýrýhanasynda emdelip jatyr.
Keiin qaza tapqan úsh kenshiniń denesi tabyldy. 17 tamyzda, keshki saǵat 19-da 58 jastaǵy Vitalii Sliýnkovtyń denesi tabylǵany belgili boldy. Búgin, 18 tamyzda, tańǵy saǵat 9-da taǵy bir shahterdiń máiiti tabyldy. Shahtada qalǵan eki kenshin áli tabylǵan joq.
