© Photo: قر ەنەرگەتيكا مينيسترلٸگٸ باسپاسٶز قىزمەتٸ
"ارسەلورميتتال تەمٸرتاۋ" اق سوڭعى ەكٸ جىلدا ايماقتىڭ شاحتالارىندا بولعان اپاتتاردان قانشا ادام زارداپ شەككەنٸن ايتتى, دەپ حابارلايدى Sputnik قازاقستان ekaraganda.kz پورتالىنا سٸلتەمە جاساپ.
"2022 جىلى بٸزدە لەنين شاحتاسىندا 5 ادام قايتىس بولعان اپات بولدى. جالپى, بٸر جىل ٸشٸندە 18 ادام جاراقات الدى. 2023 جىلى "قازاقستان" شاحتاسىنداعى وسىنداي ٸرٸ اپات بٸرٸنشٸ رەت بولدى. ٶزدەرٸڭٸز بٸلەتٸندەي, ٷش ادام قازا تاپتى, ەكەۋٸ ٸزدەستٸرٸلٸپ جاتىر. جىل باسىنان بەرٸ بارلىعى 8 ادام جاراقات الدى", - دەدٸ "ارسەلورميتتال تەمٸرتاۋ" كٶمٸر دەپارتامەنتٸ اتقارۋشى ديرەكتورىنىڭ ورىنباسارى سەرگەي وگاي.
"قازاقستان" شاحتاسىندا ٶرتتەن بٸر كٷن بۇرىن كونۆەيەر تاسپاسى اۋىستىرىلعان. سودان كەيٸن قايعىلى وقيعا بولدى.
ەستەرٸڭٸزگە سالا كەتەيٸك, 17 تامىزدا تاڭعى ساعات 10:05-تە "قازاقستان" شاحتاسىندا كونۆەيەر تاسپاسى ٶرتەندٸ. جۇمىسشىلاردى شۇعىل ەۆاكۋاتسييالاۋ باستالدى. 222 كەنشٸ جەر بەتٸنە شىعارىلدى.
قاراعاندى وبلىسى دەنساۋلىق ساقتاۋ باسقارماسىنىڭ مەلٸمەتٸنشە, زارداپ شەككەن 9 كەنشٸ ماقاجانوۆ اتىنداعى كلينيكادا, تاعى ٷشەۋٸ شاحتينسك اۋرۋحاناسىندا ەمدەلٸپ جاتىر.
كەيٸن قازا تاپقان ٷش كەنشٸنٸڭ دەنەسٸ تابىلدى. 17 تامىزدا, كەشكٸ ساعات 19-دا 58 جاستاعى ۆيتاليي سليۋنكوۆتىڭ دەنەسٸ تابىلعانى بەلگٸلٸ بولدى. بٷگٸن, 18 تامىزدا, تاڭعى ساعات 9-دا تاعى بٸر شاحتەردٸڭ مەيٸتٸ تابىلدى. شاحتادا قالعان ەكٸ كەنشٸن ەلٸ تابىلعان جوق.
