«ArselorMittal Temirtaý» qara qarǵa qatysty pikir bildirdi, dep habarlaidy "Ult aqparat".
«Problema bar jáne kompaniia basshylyǵy ony sheshý úshin aitarlyqtai investitsiia bólip keledi. Ekologiialyq problemany tolyqtai sheshý - uzaqmerzimdi joba. Ony qysqa merzimdi sheshý múmkin emes. Metallýrgiialyq kombinat siiaqty nysandar eldi mekennen belgili bir qashyqtyqta ornalasýy tiis. Al shyndyǵyna kelgende qala men metallýrgiialyq kombinat bir-birine taqaý salynǵan. Osyǵan qaramastan kompaniia ákimshiligi kombinattyń qorshaǵan ortaǵa jáne eldi mekenderdiń ekologiiasyna keri áserin tómendetýge bar kúsh-jigerin jumsap keledi», - dedi kompaniiadan.
Taratylǵan derekke qaraǵanda, osydan 20 jyl buryn kombinat jylyna 82 myń tonna shań-tozań shyǵarsa, búginde onyń kólemi 24 myń tonnany qurap otyr. Iaǵni, 20 jyldyń ishinde 3,5 esege azaiǵan.
«Tazartý qurylǵysy jumysyna baqylaýdy kúsheitý týraly sheshim qabyldandy. Sonymen qatar ekologiialyq ahýaldy turaqtandyrýǵa baǵyttalǵan qosymsha sharalar da júrgiziledi. 2016 jylmen salystyrǵanda ótken jyly bolat departamenti emissiiasynyń sany 18029 tonnaǵa azaidy. 2018 jyly da ekologiialyq jobalardyń arqasynda emissiialardy tómendetý josparlanyp otyr», - de atap ótedi «ArselorMittal Temirtaý».
Kompaniia málimetinshe, 2017, 2018 jáne 2019 jyldary metallýrgiialyq kombinattyń ekologiialyq qural-jabdyqtaryna 18,5 mlrd teńge investitsiia jumsalatyn bolady.
Aita keterligi, 2017 jyly ekologiialyq jobalary júzege asyrýdyń aiasynda 5,3 mlrd teńge igerildi.
Sonymen qatar kompaniia qara qar jaýýyna kómirmen jylynatyn jeke turǵyn úilerdiń tútininiń de úlesi bar dep esepteidi.
«Metallýrgiialyq kombinat jumysy - bul óńirdiń ekologiiasyna yqpal etetin kóptegen faktordyń biri ǵana. Ekologiiaǵa peshpen jylytylatyn 4 myńnan astam úi men sany 3 ese artqan avtomobilder de áser etedi. Kompaniia qyzmetkerleriniń negizgi bóligi Temirtaý turǵyndary, osy jerde olardyń otbasy turady. Sondyqtan da barlyǵy óńirdiń ekologiialyq ahýalyn jaqsartý qajetigin túsinedi», - dep atap ótedi kombinattyń baspasóz qyzmeti.
Buǵan deiin habarlaǵanymyzdai, Temirtaý qalasynyń ákiminen qalaǵa jaýǵan qardyń beti áp-sátte qaraiyp ketýine bailanysty ekologiia departamentine hat joldandy. Sondai-aq bul máseleni anyqtaý úshin arnaiy jumys toby da quryldy.
