Prezident Qasym-Jomart Toqaev "ArselorMittal" kompaniiasynyń atqarýshy tóraǵasy Lakshmi Mittaldy qabyldady, - dep habarlaidy "Ult aqparat" Aqordaǵa silteme jasap.
Kezdesýde "ArselorMittal Temirtaý" kompaniiasynyń Qazaqstandaǵy qyzmetiniń ózekti máseleleri men aldaǵy ýaqytqa arnalǵan jospary talqylandy.
Sondai-aq óndiriste qaýipsizdikti qamtamasyz etý, jergilikti turǵyndarǵa ádil eńbekaqy tóleý, áleýmettik mindettemelerdi oryndaý jáne materialdyq-tehnikalyq bazany jańǵyrtý máseleleri áńgimeniń arqaýyna ainaldy.
Memleket basshysy kompaniianyń atalǵan talaptar men mindettemelerdi oryndaýy asa mańyzdy ekenin aitty.
Sonymen qatar Prezident ishki naryqtyń qajettiligin "ArselorMittal Temirtaý" kásipornynyń ónimderimen óteý máselesine mán berdi.
Budan bólek, kompaniianyń parniktik gaz shyǵaryndylaryn azaitý sharalaryna da nazar aýdaryldy.
Lakshmi Mittal Qasym-Jomart Toqaevqa jýyq arada "ArselorMittal" kompaniiasy Qazaqstanǵa 1 milliard dollar kóleminde investitsiia quiatynyn, onyń basym bóligi óndiristi jańǵyrtýǵa baǵyttalatynyn jetkizdi.
