Qaraǵandyda eńbek daýyn retteýge bailanysty qurylǵan ekijaqty komissiia óz jumysyn aiaqtady, dep habarlaidy "Ult aqparat".
Baspasóz qyzmeti taratqan habarlamaǵa qaraǵanda, kásipodaqtar jáne kómir departamentiniń segiz shahtasynyń bastamashyl toby, sonymen birge mekeme basshylyǵy barlyq máseleler boiynsha bir mámilege keldi.
«Qiyn jaǵdaida qaldyq, degenmen eńbek daýyn sheshtik. Qazir barlyq segiz shahta shtattyq rejimde jumys istep tur. Bastamashyl toptyń alǵa qoiǵan endigi maqsaty - qabyldanǵan sheshimderdi eńbek ujymdaryna naqty jetkizý», - dedi Qaraǵandy oblysynyń ákimi Erlan Qoshanov.
Jalaqy máselesi boiynsha qos tarapty da ortaq mámilege keltiretin sheshim tabylǵan. Komissiia jumysy barysynda birqatar suraqtar ujymdyq kelisim 2018 jyldyń 1 qańtarynan bastap kúshine enetin jańa redaktsiiada qaralýyna bailanysty kún tártibinen túsip qalǵan.
Taraptar materialdyq-tehnikalyq qamtamasyz etý boiynsha da ózara kelisimge keldi.
