"Arselor Mittal Temirtaý" kompaniiasyna qarasty 8 shahtanyń jumysy bir táýlikke toqtatyldy. Bul týraly Tótenshe jaǵdailar ministri Iýrii Ilin óńirlik kommýnikatsiialar qyzmetinde ótip jatqan brifingide málimdedi, dep habarlaidy "Ult aqparat".
«Qazirgi tańda "Arselor Mittal Temirtaý" AQ-ǵa qarasty barlyq shahtadaǵy jumys qosymsha túsindirý jumysyn júrgizip, ýchaskelerdi tekserý úshin jáne shahtaǵa túsetin jumysshylardan synaq qabyldaý úshin bir táýlikke toqtatylǵan. Erteń onyń jeteýinde jumys qaita jandanady.
Al Lenin atyndaǵy shahtanyń jumysy týraly sheshim apat saldaryn joiý boiynsha barlyq shara júrgizilip, saraptama komissiiasynyń jumysy aiaqtalǵannan keiin ǵana qabyldanady.
Qazir ondaǵy órt joiyldy. Qutqarý bólimsheleriniń qyzmetkerleri aýmaqty jeldetip jatyr», - dedi Iýrii Ilin.
