© AP Photo / David Goldman
Tótenshe jaǵdailar ministri Iýrii Ilin Abai shahtasyndaǵy apatqa qatysty tergeý nátijesin jariialady, dep habarlaidy Sputnik Qazaqstan agenttigi.
Aita keteri, apattan keiin Úkimettiń arnaiy komissiiasy qurylǵan bolatyn. Tergeý sharalaryna sheteldik mamandar da tartyldy.
"Bul - gazdy-dinamikalyq apat. Sol kezde metan gazy shyǵyp, taý-ken massasy opyrylyp tústi. Komissiianyń sheshimine sáikes, qaitys bolǵan jumysshylardyń kinási – 0%, al jumys berýshi "Arselor Mittal Temirtaý" 100 protsent kináli boldy", - dedi Ilin arnaiy baspasóz máslihatynda.
Ministrdiń aitýynsha, tótenshe jaǵdaiǵa júieli máseleler sebep bolǵan. Jumys berýshi qajetti sharalardy ýaqytynda jasamady.
"Ondai sharalar belgili bir ýaqyttyń ishinde atqarylmaǵannan keiin apat kezindegi qubylystarǵa ákelip soqtyrýy múmkin. Budan bólek, komissiia osy qaiǵyly jaǵdaiǵa sebep bolmaǵan basqa da tártip buzýshylyqtardy anyqtady. Sonyń ishinde injenerlik-tehnikalyq quram men jumysshylardyń tapshylyǵy bar. Jumys berýshi geologiialyq qatelikterge barlaý jumystaryn tolyqqandy ótkizbegen. Sondai-aq tehnologiialyq qural-jabdyqtardy ýaqytynda aýystyrmaǵan", - dep atap kórsetti Ilin.
Úkimet komissiiasynyń qorytyndysy tergeý organdaryna jiberiledi. Olar apatqa kináli laýazymdy tulǵalardy anyqtaidy.
