Bul týraly QR Densaýlyq saqtaý ministrliginiń dári-dármek pen meditsinalyq buiymdardy saraptaý ulttyq ortalyǵynyń bas direktory Arnur Nurtaev "Mindetti ekpe: qoldaýshylar men qarsy bolýshylar" atty onlain kezdesý barysynda aitty, dep habarlaidy Baq.kz agenttigi.
Arnur Nurtaev vaktsinatsiia jasaý úshin quramyna túrli stabilizatorlar, inaktivatorlar men virýstardy qajet etetin óte kúrdeli biologiialyq reaktsiia qajet ekenin aitty. Onyń aitýynsha, bul virýsty inaktivatsiialaý úshin paidalanylady.
Taǵy bir mańyzdy másele – vaktsinadaǵy izi bar formaldegidter mólsheriniń azdyǵy sonsha, siz ony vaktsinadan góri sý nemese azyq-túlik arqyly kóptep qabyldaisyz. Túrli zertteýler júrgizilmeidi degen qate túsinik bar, zertteý jii júrgiziledi. Vaktsina jasaý kezinde qoldanylatyn túrli zattar qaýipsiz. Qazaqstanda qazirgi tańda vaktsina sapasyna qatysty baqylaý tiisti dárejede emes degenge aitarym, búginde Qazaqstandaǵy zerthana eýropalyq sapa standartyna sai keledi. Vaktsina sapasy Eýropada qalai tekserilse, bizde de dál solai tekseriledi. Biz zerthanada vaktsinadaǵy barlyq adiývanttar mólsherin, formaldegidter kórsetkishin saralaimyz jáne olardyń mólsheri az ekenin naqty aita alamyz, - dedi ol.
Aita ketý kerek, búgin QR Aqparat jáne qoǵamdyq damý ministri Aida Balaeva, QR Densaýlyq saqtaý vitse-ministri Liýdmila Biýrabekova, azamattyq qoǵam ókilderi, sarapshylar jáne BAQ ókilderiniń qatysýymen "Mindetti ekpe: qoldaýshylar men qarsy bolýshylar" atty onlain kezdesý ótti.
