Aqtóbe oblysynda aýylsharýashylyǵyn ońtailandyrý maqsatynda tsifrlandyrý jumysy qarqyndy júzege asyrylýda. Ondaǵy barlyq protsedýralar avtomattandyrylyp, arnaiy qosymshalar arqyly tórt túlik týraly aqparatty bilýge bolady. Bul týraly búgin Aqtóbe oblysynyń ákimi Berdibek Saparbaev Úkimet saǵatynda málim etti.
«Aýylsharýashylyǵynda biz tsifrlandyrýdy paidalanyp jatyrmyz. Barlyq protsess avtomattandyryldy. Arnaiy sensorlar arqyly janýarlardyń táýligine qansha salmaq qosqanyn, qansha sý ishkenin, jem jeý belsendiliginiń qalai ekenin baiqaýǵa bolady», - dedi B. Saparbaev.
Sondai-aq, ol egin sharýashylyǵyndaǵy jumystarǵa toqtalyp, tsifrlandyrýdyń ónimdilikti arttyratynyn basa aitty.
«Dál osyndai jumys egin egý men egin jinaý salasynda da qoldanylyp jatyr. Bul jerdegi eń úlken máseleniń bireýi egistiktiń bárin tsifrlandyryp, qansha tuqym sebilgenin, qansha tyńaitqysh, qansha janarmai qoldanyldy. Osynyń bári eńbek ónimdiligin kóbeitýge óziniń áserin tigizedi», - dedi oblys ákimi.
Óńirde mal sharýashylyǵy salasyna boiynsha maldyń jaǵdaiyn kompiýter arqyly baqylaýǵa múmkindik beretin iri qara malǵa datchikter ornatylypty. Al, «Ais» JSSh sút taýarly fermasy bolsa maldan saýylǵan súttiń kólemin, jaǵdaiyn jáne uryqtandyrýǵa daiyndyǵyn baqylaýǵa múmkindik beretin zamanaýi jabdyqtarmen jabdyqtalyp otyr.
Sonymen qatar, jaiylymdaǵy janýarlardyń ornalasqan jerin baqylaý úshin jer seriktik navigatsiiasy qoldanylady. Mundai qondyrǵalar egistik alqabynda da keńinen qoldanylýda. Iaǵni, jer serikteri júiesi arqyly egistik aýmaǵyn baqylaýǵa, aýa-raiyn bilýge bolady.
Sondai-aq, egistik kartalaryna, aýa-raiyna, mineraldy tyńaitqyshtardy engizýde, aram shópterdiń taralýyna jáne taldaý júrgizýge múmkindik beredi.
Aita keteiik, «Tsifrlyq Qazaqstan» memlekettik baǵdarlamasy aiasynda «aqyldy qalalardyń» tiptik tujyrymdamasy vitse-premer-ministr Asqar Jumaǵalievtiń bastamasymen qolǵa alynyp, Aqparat jáne kommýnikatsiialar ministrligi jáne «Zerde» ulttyq infokommýnikatsiia holdingimen» júzege asyrylýda. Oblysta «aqyldy qala» kontseptsiiasy 5 baǵytta júrgizilip jatyr. Buǵan qosa, bilim oshaqtary men densaýlyq saqtaý ortalyqtary 80 paiyzdan asa keńjolaqty internetpen qamtamasyz etilgen. Eń bastysy - tórt túliktiń jaǵdaiyn anyqtaý men baqylaý jumystary jeńildeýde. Máselen, «AqTep» JShS men «Ais» JShS sharýa qojalyqtaryn aitsaq bolady. Atalǵan fermalarda protsess tolyǵymen avtomattandyrylypty. Al, arnaiy gadjetter janýarlardyń ortasha táýliktik salmaǵyn arttyryp, densaýlyǵyna baqylaý jasaýǵa yqpal etýde. Oblysta aralar, qoiandar, qulpynai, tańqýrai ósirý jáne taǵy basqa baǵytta 200-ge jýyq joba jumys isteýde. Sondai-aq, aimaqaralyq yntymaqtastyq sheńberinde elimizdiń barlyq óńirlerimen, sondai-aq Reseidiń birqatar aimaqtarymen yntymaqtastyq ornatylǵan. Sonymen qatar, óńirde tsifrlyq tehnologiialardy qoldaný arqyly «Fermerlik qyzmet kórsetý ortalyǵy» pilottyq jobasy júzege aspaq.
