Qazaqstanda Aýǵanstannan apiyn esirtkisin kontrabandalyq jolmen jetkizýdiń turaqty arnasyn uiymdastyrǵan transulttyq esirtki qurylymynyń joly kesildi, dep habarlaidy "Ult aqparat".
QR Ulttyq qaýipsizdik komitetiniń baspasóz qyzmetiniń habarlaýynsha, bul operatsiiany qaýipsizdik komitetiniń ókilderi prokýratýra organdarynyń kelisimi sheńberinde júzege asyrǵan.
Halyqaralyq arnaiy operatsiia nátijesinde 2021 jylǵy 15 maýsymda Almaty qalasynda 25 kg esirtki quralyn tasymaldaý kezinde esirtki trafigin uiymdastyrýshy jáne Reseide osyǵan uqsas esirtki qylmysyn jasaǵany úshin Resei Federatsiiasynyń Federaldy qaýipsizdik qyzmeti izdestirip jatqan «M» atty azamat qylmys ústinde ustaldy.
Atalǵan adam qylmystyq jaýapkershilikten jaltarý maqsatynda Tájikstan Respýblikasy azamatynyń jalǵan tólqujatyn paidalanǵan.
Sonymen qatar onyń sybailasy – Qazaqstan Respýblikasynyń «K» degen azamaty ustaldy.
«Sotqa deiingi tergeý materialdary QR Qylmystyq kodeksiniń 286-baby 4-bóligi jáne 297-baby 3-bóligi boiynsha sotqa deiingi tergeýdiń biryńǵai tizilimine tirkeldi. Esirtki aktsiiasyna qatysy bar ózge de adamdardy anyqtaý boiynsha jedel-tergeý is-sharalary jalǵasýda», - delingen QR UQK baspasóz qyzmetiniń habarlamasynda.
