Arnaiy operatsiia barysynda atys qarýyn satatyn qylmystyq top músheleri ustaldy, dep habarlaidy QR Ulttyq qaýipsizdik komiteti.
QR UQK Almaty qalasy men Almaty oblysynyń turǵyndarynan turatyn qylmystyq toptyń zańsyz áreketiniń jolyn kesti, olar uzaq ýaqyt boiy kriminaldy atys qarýyn, oq-dáriler men jarylǵysh zattardy satýmen ainalysqan.
"2019 jylǵy 5 maýsymda UQK «A» arnaýly maqsattaǵy qyzmetin tartýmen aýqymdy arnaiy operatsiia júrgizildi, onyń barysynda qylmystyq toptyń 6 qatysýshysy ustaldy. Tintý júrgizý kezinde 3 granataatqysh, 2 «Kalashnikov» avtomaty, 5 pistolet, 3 báseńdetkish, optikalyq kózdeýish, sondai-aq ártúrli kalibrdaǵy 1400 birlik patron tárkilendi. Figýranttardyń biriniń turǵylyqty jeri boiynsha qarýdy jinaý jáne qaita jasaý úshin arnalǵan jasyryn sheberhana, sondai-aq kóp mólsherde ártúrli quramdas bólikter (uńǵylar, oqjatarlar, tutqalar, bekitý tetikteri men basqalary) tabyldy. Odan basqa, qoldan jasalatyn jarylǵysh qurylǵylardy jasaý úshin komponentter (selitra, jarylǵysh dári jáne basqalary) alyndy", - delingen habarlamada.
Sotqa deiingi tergeý júrgizilýde, onyń sheńberinde tergeý osy toptyń áreketine qatysy bar barlyq adamdardy, onyń ishinde kriminaldy qarýdy satyp alýshylardy anyqtaidy.
