Arnaiy qyzmetter Sankt-Peterbýrgte terakti ázirlenip jatqanyn aldyn ala bilgen: bul jaily RF aýmaǵynda tyiym salynǵan «Islam memleketi» lańkestik tobymen jumys istegen jáne Siriiadan qaityp kelgen soń qamaýǵa alynǵan reseilik azamat málim etken.
Alaida bul adam sodyrlar ierarhiiasynda eń tómengi satyda bolǵan, sol sebepti ol tolyq aqparatty bilmegen, dep jazdy "Kommersant" «senýge turarlyq aqparat kózine» silteme jasap.
Basylym suhbattasýshysynyń aitýynsha, ustalǵan azamat sybailastarymen telefon arqyly bailanysyp júrgen. Sol arqyly jedel qyzmet bolýy yqtimal lańkesterdiń telefon nómirin anyqtady. Degenmen, barlyq nómirler bazardan satyp alynǵan jáne naqty adamdarǵa tirkelmegen, sondyqtan arnaiy qyzmetter sodyrlardyń áńgimesin tyńdaýmen ǵana shekteldi.
Telefon áńgimelerinde de paidaly aqparat óte az boldy: IM shabarmandary uialy telefon qyzmetine óte sirek júgindi, al áńgimeler esimderdi, ýaqytty nemese kezdesý oryndaryn naqty aitpaityn qysqasha jalpy sózdermen aiaqtalatyn bolǵan.
Metroda bolǵan jarylystan soń arnaiy qyzmet operatsiiasyn toqtatýǵa májbúr boldy. Barlyq anyqtalǵan telefon nómirlerin jedel qyzmet buǵattap tastady, osylaisha lańkestik top bailanystan ajyrady.
newsru.com habarlaýynsha, aldyn ala derekterge sáikes, peterbýrgtik metrodaǵy eki bomba da (bireýi jarylmai qalǵan) uialy telefon qońyraýlary arqyly iske qosylǵan. Arnaiy qyzmettiń qara tizimdegi telefon nómirlerin buǵattaý sheshimi ekinshi jarylysty boldyrmaýǵa áser etýi de ǵajap emes.
Sankt-Peterbýrg metrosyndaǵy jarylys dúisenbi, 3 sáýir kúni "Sennaia ploshad" jáne "Tehnologicheskii institýt" stansalary arasynda boldy. Sońǵy derekterge sáikes, terakt saldarynan 11 adam qaza tapty, taǵy 45 adam aýrýhanada jatyr.
