Indýstriia jáne infraqurylymdyq damý ministrligi 2021 jyly respýblikanyń birqatar arnaiy ekonomikalyq aimaqtary úshin qyzmet túrleriniń tizbesin keńeitti, dep habarlaidy QazAqparat.
Bul syrtqy ekonomikalyq bailanystardy jandandyrý, ekonomikany qoldaý jáne óńirlerdiń áleýmettik problemalaryn sheshý, arnaiy ekonomikalyq aimaqtardyń (budan ári – AEA) jumysyna investitsiialar, tehnologiialar men qazirgi zamanǵy menedjmentti tartý úshin jasaldy.
Ótken jyly «Aqtaý teńiz porty» arnaiy aimaǵynyń qyzmet túrleri keńeitildi.
Endi atalǵan AEA mynadai jobalarmen ainalysa alady: jylý elektr stantsiialarymen elektr energiiasyn óndirý; elektr energiiasyn berý jáne taratý; turǵyn jáne turǵyn emes ǵimarattar qurylysy; qonaq úiler jáne turýǵa arnalǵan oryndar qyzmetterin usyný; jeke nemese jalǵa alynǵan jyljymaityn múlikti jalǵa alý jáne basqarý; demalys pen oiyn-saýyqty uiymdastyrý boiynsha qyzmetter.
Qarqyndy damyp kele jatqan aimaqtardyń biri - «Saryarqa» AEA.
Onda daiyn metall buiymdary men qurylys materialdary: sharly krandar, jylý oqshaýlaǵysh qubyrlar, otqa tózimdi materialdar, jezden jasalǵan buiymdar, dirilge jáne otqa tózimdi buiymdar shyǵarylady.
