Almatyda arnaiy áskeri jiyndarǵa áskeri qyzmetke jaramdy azamattar ǵana shaqyrylady. Bul týraly búgin onlain-brifing barysynda qalalyq Qorǵanys isteri jónindegi departament basshysy Amantai Óserbaev aitty, dep habarlaidy QazAqparat.
«Shaqyrylatyn azamattar arnaiy meditsinalyq komissiianyń tekserýinen ótedi. Beibit ýaqytta áskeri qyzmetke jaramsyz azamattar shaqyrylmaidy. Tek jaramdy azamattar ǵana arnaiy jiyndarǵa shaqyrylady», - dedi Amantai Óserbaev.
Sonymen qatar, onyń aitýynsha, áskeri tártipke úirengen adamdar ǵana irikteledi.
«60 jasqa deiingi zapastaǵy ofitserler men sarbazdar shaqyrylady», - dedi ol.
Onyń sózinshe, qazir qalada 300-ge jýyq adam jiynǵa qatysýǵa ótinish bildirgen.
«Áskeri esepke alý oryndarynda kezekke turyp koronavirýs taralýyna ońtaily ahýal týdyrmaý úshin aldyn ala jergilikti áskeri esepke alý oryndaryna telefon arqyly jazylý kerek», - dedi ol.
Úsh balasy bar áskeri mindettiler shaqyrylmaidy. Alaida olardyń jubailarynyń notariýs arqyly kelisimi bolsa, shaqyrylatyn bolady.
