الماتىدا ارنايى ەسكەري جيىندارعا ەسكەري قىزمەتكە جارامدى ازاماتتار عانا شاقىرىلادى. بۇل تۋرالى بٷگٸن ونلاين-بريفينگ بارىسىندا قالالىق قورعانىس ٸستەرٸ جٶنٸندەگٸ دەپارتامەنت باسشىسى امانتاي ٶسەرباەۆ ايتتى, دەپ حابارلايدى قازاقپارات.
«شاقىرىلاتىن ازاماتتار ارنايى مەديتسينالىق كوميسسييانىڭ تەكسەرۋٸنەن ٶتەدٸ. بەيبٸت ۋاقىتتا ەسكەري قىزمەتكە جارامسىز ازاماتتار شاقىرىلمايدى. تەك جارامدى ازاماتتار عانا ارنايى جيىندارعا شاقىرىلادى», - دەدٸ امانتاي ٶسەرباەۆ.
سونىمەن قاتار, ونىڭ ايتۋىنشا, ەسكەري تەرتٸپكە ٷيرەنگەن ادامدار عانا ٸرٸكتەلەدٸ.
«60 جاسقا دەيٸنگٸ زاپاستاعى وفيتسەرلەر مەن ساربازدار شاقىرىلادى», - دەدٸ ول.
ونىڭ سٶزٸنشە, قازٸر قالادا 300-گە جۋىق ادام جيىنعا قاتىسۋعا ٶتٸنٸش بٸلدٸرگەن.
«ەسكەري ەسەپكە الۋ ورىندارىندا كەزەككە تۇرىپ كوروناۆيرۋس تارالۋىنا وڭتايلى احۋال تۋدىرماۋ ٷشٸن الدىن الا جەرگٸلٸكتٸ ەسكەري ەسەپكە الۋ ورىندارىنا تەلەفون ارقىلى جازىلۋ كەرەك», - دەدٸ ول.
ٷش بالاسى بار ەسكەري مٸندەتتٸلەر شاقىرىلمايدى. الايدا ولاردىڭ جۇبايلارىنىڭ نوتاريۋس ارقىلى كەلٸسٸمٸ بولسا, شاقىرىلاتىن بولادى.
