Rýmyniianyń Konstantsa qalasynda armrestlingten Álem chempionaty óz máresine jetti, dep habarlaidy "Ult aqparat" QR Sport jáne dene shynyqtyrý isteri komiteti Sportty damytý direktsiiasynyń baspasóz qyzmetine silteme jasap.
Qorytyndy kezeń eresekter, ardagerler, sondai-aq estý qabileti zaqymdanǵan sportshylar men múmkindigi shekteýli sportshylar arasynda ótken.
«Jarystyń alǵashqy kúni jastar men jasóspirimder arasynda el quramasy 32 altyn, 22 kúmis, 19 qola júlde ielendi. Jalpy komandalyq esepte Resei men Grýziiany artqa tastap, birinshi orynǵa shyqty. Ardagerler men múmkindigi shekteýli sportshylar arasyndaǵy básekede de qazaqstandyq qol kúres sheberleri qarsylastaryna des bermedi. Múmkindigi shekteýli sportshylar arasynda elimiz 8 altyn, 7 kúmis, 11 qola júldeni jeńip aldy. Al, ardagerler arasynda otandastarymyz 3 altyn, 2 kúmis, 2 qola júldege qol jetkizdi» delingen habarlamada.
Jarystyń sheshýshi kezeńi eresekter arasynda ótip, sportshylarymyz el qorjynyna 8 altyn, 9 kúmis, 11 qola medal salyp, erler quramasy birinshi orynnan kórindi.
«54 memleketten 1400 sportshy qatysqan bairaqty básekede el namysyn 146 sportshy qorǵady. 41-shi Álem chempionatynyń jalpy qorytyndysy boiynsha el quramasy 51 altyn, 40 kúmis, 43 qola júldemen dúbirli dodada ekinshi orynǵa taban tiredi. Birinshi oryndy Resei Federatsiiasy ielense, úzdik úshtikti Grýziia sportshylary túiindedi», - dep habarlaidy komitetten.
