رۋمىنييانىڭ كونستانتسا قالاسىندا ارمرەستلينگتەن ەلەم چەمپيوناتى ٶز مەرەسٸنە جەتتٸ, دەپ حابارلايدى "ۇلت اقپارات" قر سپورت جەنە دەنە شىنىقتىرۋ ٸستەرٸ كوميتەتٸ سپورتتى دامىتۋ ديرەكتسيياسىنىڭ باسپاسٶز قىزمەتٸنە سٸلتەمە جاساپ.
قورىتىندى كەزەڭ ەرەسەكتەر, ارداگەرلەر, سونداي-اق ەستۋ قابٸلەتٸ زاقىمدانعان سپورتشىلار مەن مٷمكٸندٸگٸ شەكتەۋلٸ سپورتشىلار اراسىندا ٶتكەن.
«جارىستىڭ العاشقى كٷنٸ جاستار مەن جاسٶسپٸرٸمدەر اراسىندا ەل قۇراماسى 32 التىن, 22 كٷمٸس, 19 قولا جٷلدە يەلەندٸ. جالپى كوماندالىق ەسەپتە رەسەي مەن گرۋزييانى ارتقا تاستاپ, بٸرٸنشٸ ورىنعا شىقتى. ارداگەرلەر مەن مٷمكٸندٸگٸ شەكتەۋلٸ سپورتشىلار اراسىنداعى بەسەكەدە دە قازاقستاندىق قول كٷرەس شەبەرلەرٸ قارسىلاستارىنا دەس بەرمەدٸ. مٷمكٸندٸگٸ شەكتەۋلٸ سپورتشىلار اراسىندا ەلٸمٸز 8 التىن, 7 كٷمٸس, 11 قولا جٷلدەنٸ جەڭٸپ الدى. ال, ارداگەرلەر اراسىندا وتانداستارىمىز 3 التىن, 2 كٷمٸس, 2 قولا جٷلدەگە قول جەتكٸزدٸ» دەلٸنگەن حابارلامادا.
جارىستىڭ شەشۋشٸ كەزەڭٸ ەرەسەكتەر اراسىندا ٶتٸپ, سپورتشىلارىمىز ەل قورجىنىنا 8 التىن, 9 كٷمٸس, 11 قولا مەدال سالىپ, ەرلەر قۇراماسى بٸرٸنشٸ ورىننان كٶرٸندٸ.
«54 مەملەكەتتەن 1400 سپورتشى قاتىسقان بايراقتى بەسەكەدە ەل نامىسىن 146 سپورتشى قورعادى. 41-شٸ ەلەم چەمپيوناتىنىڭ جالپى قورىتىندىسى بويىنشا ەل قۇراماسى 51 التىن, 40 كٷمٸس, 43 قولا جٷلدەمەن دٷبٸرلٸ دودادا ەكٸنشٸ ورىنعا تابان تٸرەدٸ. بٸرٸنشٸ ورىندى رەسەي فەدەراتسيياسى يەلەنسە, ٷزدٸك ٷشتٸكتٸ گرۋزييا سپورتشىلارى تٷيٸندەدٸ», - دەپ حابارلايدى كوميتەتتەن.
