Armeniiaǵa «Spýtnik V» vaktsinasynyń alǵashqy iri partiiasy jetkizildi. Bul týraly «Rossotrýdnichestvo»-nyń Erevandaǵy ofisi málim etti, dep habarlaidy "Ult aqparat".
8 sáýirge qaraǵan túni Armeniiaǵa «Spýtnik V» vaktsinasynyń alǵashqy iri partiiasy 15 myń doza jetkizildi. Vaktsina tielgen júkti áýejaidan Armeniiadaǵy Resei elshiliginiń keńesshisi Pavel Kýrochkin, Armeniia Respýblikasy Densaýlyq saqtaý ministrligi Aýrýlardy baqylaý jáne aldyn alý ulttyq ortalyǵynyń bas direktory Artavazd Vanian jáne «Rossotrýdnichestvo»-nyń Erevandaǵy ókili Andranik Arzýmanian kútip aldy.
«Eń aldymen, halyqtyń qaýip aimaǵynda turǵan toby vaktsinalanady. Bul Resei tarapynan koronavirýs pandemiiasymen kúreste Armeniiaǵa kórsetken keń aýqymdy qoldaýynyń jalǵasy ekenin atap ótkim keledi», - dep málimdedi Pavel Kýrochkin.
Keshe Armeniianyń Premer-ministri Nikol Pashinian Reseige jumys sapary barysynda Erevan reseilik vaktsinanyń alǵashqy partiiasyn kútip otyrǵanyn málimdegen bolatyn. Armian Ministrler kabineti basshysynyń aitýynsha, Armeniiaǵa vaktsinanyń millionnan astam dozasy qajet.
