Premer-ministrdiń orynbasary - Syrtqy ister ministri Muhtar Tileýberdi Armeniiaǵa qazaqstandyq bitimgerlerdi jiberý máselesi qarastyrylmaitynyn aitty, - dep habarlaidy Tengrinews.kz agenttigi.
"Bul másele suraq qoiýǵa turarlyqtai emes. Keshe UQShU-nyń Tótenshe ujymdyq qaýipsizdik keńesinde Armeniia premer-ministri UQShU-ǵa múshe memleketterdiń basshylaryn Ázerbaijan men Armeniia shekarasyndaǵy jaǵdai týraly habardar etti. Biraq eki tarap ártúrli aqparat taratqandyqtan memleket basshylary UQShU-nyń Bas hatshysyn oqiǵa ornyna baryp, jaǵdaimen tolyq tanysyp, sodan keiin habardar etý kerek dep sheshti", - dedi Tileýberdi Álemdik jáne dástúrli dinder kóshbasshylarynyń VII sezi aiasynda jýrnalisterdiń saýaldaryna jaýap berip.
Ministrdiń aitýynsha, Ázerbaijan men Armeniia shekarasyndaǵy qaqtyǵys týraly birnárse aitý qiyn.
"Endi birinshi mindet - armian-ázerbaijan shekarasyn delimitatsiialaý jáne demarkatsiialaý jónindegi birlesken komissiianyń jumysyn qalpyna keltirý. Biz óz tájiribemizben bólisýge daiynbyz. Óitkeni biz shekaramyzdy qurlyqtyń, tipti teńizdiń barlyq perimetri boiynsha demarkatsiialaǵanbyz. Shekarany demarkatsiialaý Reseiden basqa barlyq memlekettermen derlik aiaqtaldy. Demarkatsiialaý bizge taǵy eki-úsh jylǵa sozylýy múmkin", - dedi Syrtqy ister ministri.
Qazaqstan Syrtqy ister ministrliginiń basshysyna bitimgershilik kúshterdi jiberý máselesi talqylanyp jatyr ma degen suraq qoiyldy.
"Joq, ázirge ondai másele kóterilip jatqan joq", - dep jaýap berdi Muhtar Tileýberdi.
