QR IIM Ákimshilik politsiia komiteti tóraǵasynyń orynbasary Serik Amantaiuly Túsipov Armeniiadan jetkizilgen avtokólikterdi tirkeý merzimin uzartý usynysyna qatysty jaýap berdi, dep habarlaidy "Ult aqparat".
«Tirkeý boiynsha tiisti talaptar bar ekenin eskere otyryp, Úkimet qaýlysynda tirkeýdiń naqty merzimi bekitilgen. Tirkeý sharalary 2020 jyldyń 1 qyrkúiegine deiin júzege asyrylady. Osy merzimge atalǵan tirkeý talaptaryna jatatyn barlyq kólikter tirkeledi dep josparlanýda», - dedi S. Túsipov.
«Azamattar tarapynan ótinimder bar ekenin, sondai-aq QR Saýda jáne integratsiia ministrligi Tehnikalyq retteý jáne metrologiia komiteti jaǵynan qaitadan jabdyqtalǵan avtomashinalardy tirkeý úshin jaǵdai jasalyp otyrǵanyn eskere otyryp, ózgertip jabdyqtalǵan avtokólikter úshin merzimdi uzartý usynysyn pysyqtap jatyrmyz», - dedi S. Túsipov.
