QR Ishki ister ministrligi Memleket basshysynyń tapsyrmasyn oryndaý aiasynda Armeniia Respýblikasynyń ýákiletti organdarynda Qazaqstan Respýblikasynyń azamattaryna tirkelgen jáne 2020 jylǵy 1 aqpanǵa deiin Qazaqstan Respýblikasyna ákelingen kólik quraldaryn tirkeý boiynsha jumys júrgizýde, dep habarlaidy "Ult aqparat".
Atalǵan ministrlik málimetinshe, qazirgi ýaqytta tirkeý sharttaryna sáikes 20 myńnan astam avtomobil esepke qoiyldy. Sonymen qatar, 1 myńnan astam avtokólik ielerine óz avtomobilderin tirkeýge nemese olardy elden tys jerlerge áketýge múmkindik bermegen birqatar obektivti sebepter bar. Atap aitqanda, kúrdeli epidemiologiialyq jaǵdaiǵa jáne karantindik shekteýlerdiń uzaqqa sozylǵan sipatyna bailanysty memlekettik shekarany kesip ótý shekteýlerine bailanysty avtokólikti Armeniiaǵa keri áketý problemalary týyndady. Keibir avtokólik ieleri, sondai-aq karantinge bailanysty, akkredittelgen zerthanalarda qaita jabdyqtalǵan avtomobilderge ýaqytyly synaq júrgize almady, olar barlyq óńirde joq.
«Qarjy piramidalary» boiynsha qylmystyq isterdi tergeýge bailanysty ieleriniń kóp bóligi adal satyp alýshylar bolyp tabylatyn birqatar avtomobilderdi (avtokólik lombardtardaǵy, mikrokredittik uiymdardaǵy kepildik múlik bolyp tabylady) paidalaný shektelgen. Osy problemalardy eskere otyryp, Úkimet osy jylǵy 27 aqpanda osyndai avtomobilderdi tirkeý merzimderin 2022 jylǵy 1 naýryzǵa deiin uzartý týraly sheshim qabyldady (Úkimettiń №104 qaýlysy). Osylaisha, Armeniia Respýblikasynda tirkelgen jáne bizdiń elge 2020 jylǵy 1 aqpanǵa deiin ákelingen kólik quraldarynyń ieleri – Qazaqstan azamattaryna óz avtomobilderin esepke qoiý máselelerin sheshý úshin qosymsha ýaqyt berildi», - dedi vedomstvodan.
Sonymen qatar, qazirgi ýaqytta Armeniia Úkimetimen kelisim boiynsha Qazaqstanda tirkeýden ótken osyndai avtomobilderdiń ielerin Armeniiadaǵy salyq mindettemelerinen bosatý týraly úkimetaralyq kelisim ishki jáne memleketaralyq rásimderden ótýde. Bul sharalar avtokólik ieleri úshin (Armeniia men Qazaqstanda) «qosarlanǵan» salyq salýdy boldyrmaýǵa baǵyttalǵan. Memlekettik organdar Qazaqstan Respýblikasy Úkimetiniń atalǵan sheshimderin iske asyrý boiynsha tiisti sharalar qabyldaityn bolady.
